طريقة عمل طاجن الرز المعمر الحادق

من طرف **نورا شاهين** الإثنين 14 يناير 2013, 2:09 pm

صباح الفل
انا مبسوطة اوى انى هاكون اول واحدة هانشر فى قسم طابخن ايه النهاردة انا عن نفسى هاعمل طاجن رز معمر تعالو بقا لما اقولكو المقادير
فى الاول لازم يبقا عندك طاجن فخار متوسط لان الفخار بيدى للرز طعم اجمل من الصينية البايركس .
1- كوبايتين رز مصرى مش بسماتى Smile

متنقين ومغسولين كويس .
2- كيلو لبن حليب مش مغلى .
3-معلقتين زبدة او سمنة .
4- معلقة جوز هند كبيرة ( لو عندك ) .
5- كام حباية بندق او لوز مكسر مش مطحون ( لو عندك اذا مافيش مش مشكلة ).
6- ورك فرخة او صدر فرخة مسلوق ومخلى ومتقطع حتت او لو حابة يكون بدل الفراخ قطع لحمة او مش تحطى خالص اوك دى بيبقا حسب الرغبة .
7-ملح وفلفل اسود .
8-مكعب مرقة دجاج .
9 ورقة او ورقتن لورة .
حباة واحدة حبهان .
الطريقة بقا سهلة جدا :
فى الاول تولعى الفرن علشان يسخن
تجيبى الطاجن تحطى جواه اللبن وجوز الهند والمكسرات وتغليهم على البوتوجاز من فوق
وبعد كدة تحطى فيه مكعب المرقة والفلفل والملح وبعدهم الرز كل دة وانت لسة حاطاه على البوتوجاز من فوق .
تستنى لما الرز يغلى وبعد كدة غطيه باى غطا حلة عندك يكون نفس مقاس الطاجن ودخليه الفرن
بعد ما تدخليه خففى النار عليه وماتخافش انت كدة كدة مولعة الفرن من بدرى فا هابقا سخن كفاية
سبيه فى الفرن حوالى ربع ساعة وبعد كدة افتحى بصى عليه لو حسيتى انه لسة محتاج يستوى تابعيه لحد ما الوش يحمر والتلاقيه استوى وكل ده من غير اى تقليب هو مش هايبقا يحتاج يتقلب .
وبالهنا والشفا