الكريب

كل الشباب والاطفال دالوقتى بيحبوا اكل الشارع جداااا
وخصوصا الكريب بعد ما انتشر فى اماكن كتيييير
واسعارة طبعا
علشان كدة انا فضلت ادور لحد ما عرفت الطريقة بتاعتة وهوا سهل جدااااااااااااااااااااااااااا
ومكوناتة كلها عندنا فى البيت
المكونات :
1 كوب دقيق
1 كوب لبن
2 بيضة
2 معلقة زبدة
رشة ملح
الطريقة :
كل المكونات على الخلااااط واديها ضرب مبرح
لحد ماتبقى سايلة بس مش مية تبقى تقيلة شوية برضو
وتجيبى طاسة تيفااااااااااااااااال دى اهم حاجة
وتمسحيها بمنديل فية زيت
وتكيلى بفنجان او مغرفة
وتحطى فى الطاسة وتنوزعيها لحد ماتتفرد
وتقلبيها على الناحية التانية لحد ماتاخد اللون الدهبى
وتكررى لحد ما الكمية اللى عملتيها تخلص
نيجى بقى لمرحلة الحشو
انا بستعمل صوص التارتار بتاع بيتزا هت
ودة سهل جداااااااااااااا
مكوناتة : كاتشب مايونيز مسطردة بكميات متساوية بس لو مش عايزينة لازع قللوا المسطردة شوية
بخلط الصوص دة وبدهن بية الكريب لان دة اللى بيساعد على قفلة ويخلية متمااااسك
وبعد كدة بحط الحشو فى النص واطبقة على بعض
واحطة فى التيفال تانى لحد مايتحمر شوية او يتحط فى الفرن
الحشو :
ممكن تحطى اى حشو عندك
لحمة معصجة
سوسيس
همبرجر
بانية
جبنة
سجق
اى بواقى اكل عندك زايدة
خلطة بيتزا
وطبعا اهم حاجة فى الكريب الجبنة
وبالهنا والشفا
الموضوع الجاى يكون بالصور